CCN-rogaland Upa Pawl 2014 CND Kongah Meeting an Ngei

0 Comments

CND_meeting_rogaland2013

CCN-rogaland Meeting

Chin National Day 2014 cu a nai chin lengmang cang. CND tuah cu CCN zong nih ai hmaithlakmi le upatnak peek dingin ai timhmi asi caah 2014 zong tuah kho tthan dingin timhtuahnak ngeih asi.

Upa minung 7 kai in meeting tlamtling ngaiin kan tuah khawh. 2013 kan tuahnak hmun asimi, Stavanger ah i tuah si rih ko seh tiah zapi lungtling in biachahnak tuah asi. 2013 CND tuahnak caah a kan tawlreltu asimi Convener Pu Erh Cin Kung cu meeting kaimi zapi lungtling tein kan tthim tthan. Amah zongnih miphun caah ruat bu tein a kan cohlan ve tthan. A cungah lunglawmnak chimcawklo kan ngei.

2014 CND – Rogaland ah kum dang he lo loin tuah timhmi tete zong a hun um, 2014 July ah Norway ah tuah ding, CCN Civui le EU Chin Football celh zuamnak puai caah tel ve seh tiah timhtuah asi mi, EU Chin Menrihei thimnak le hlasak zuamnak caah i timhtuah chung ahauh caah CND lio ah thimnak tuah kho u sih ti duhnak le hnatlaknak ngeih asi. Asullam cu, CND chungah EU puaipi i chuahpi ding hna kha thim siseh ti khi asi.

Kum dang ah budget dihmi kan zoh tikah tambik (Cheuli cheuthum) hi inn hlannak le music tawlrelnak ah asi ti theih khawh asi. Nain a ralaimi CND tu ahcun kha tluk dih ti lo dingin ruahnak chuah le ceih asi. Mipi sinah phaisa khawlh tawnmi a zat zong tthumh in puai lio tuah phaisa kawlnak zeitindah kan tuah lai timi ceihnak kan ngei.

Atang rihmi detail deuh in ceih tthan ding hna cu, tulio kan thimmi hna convener le committe member pawl hna nih a ra laimi meeting hna ah biatak deuh in kan ceih-khan piak hna seh tiah zapi lungtling in kan bia kan dongh ter.

(Hika ah Meeting Record Download tuah khawh asi)

 

Categories:

Leave a Reply

Your email address will not be published. Required fields are marked *