CCN le CMpage Upa Tonnak an Ngei

0 Comments

April 30, 2019, Sandnes, zanlei kl. 18.00-18:30 tiang CMpage aiawh in Pu Nawl Uk Lian le Pu Chan Cung Hnin hna cu CCN President Peter Sang Lian Thang le Secretary Tial Kio Thang hna he ton biaruahnak le rianttuan tti dingin hnatlaknak an tuah.

2019-2021 CCN rianttuan kum chungah CCN nih media kongah hman a herhmi vialte CMpage nih bawmh tawlrel piak dingin hnatlaknak tuah asi. Abikin, CCN cawlcanghnak le mipi sin thawngthanhnak ning cang tein ai tuah khawhnaak caah tu bantukin kaphnih biafun hnatlaknak tuahmi cu asi.

Avoikhatnak rianttuantinak cu May 11 in thawk asi lai. Hi tikah hin, CCN rianttuantu upa pawl i theihternak le 2021 tiang CCN nih ai hmaithlakmi rianttuannak kongah mipi sinah fianternak tuah asi te lai. Ara laimi ah CCN nih a tawlrelmi Chin National Day, Seminar, biaruah/biahalnak, thawngpang thanhnak tibantuk ah CMpage nih media thilri thazaang hmangin CCN rianttuannak a bawmh lai.

“Tu bantukin CCN he rianttuantti ding kan i timh tikah, phaisa hmuhnak caah asi lo zia cu theih cia asi ko, miphun caah le hmailei CCN a rianttuannak ah zeimawzat tal a bawmtu asi lai tiah lungtho tein kan i tel ve hi asi ko” tiah CMpage team in Nawl Uk Cung nih a chim.

Categories:

Leave a Reply

Your email address will not be published. Required fields are marked *