CCN-ec & Contact Person Meeting Tlamtling Tein An Tuah Khawh

The Chin Community in Norway(CCN) ec upa minung 9 hna le contact person minung 7 hna cu, Moi khua ah August 12-13 tiang tlamtling tein meeting an tuah kho. Meeting ah abiapi deuh in an ceihmi hna cu; CCN phunghram i hruainak kong, phaisa hmannak le kawlnak kong, mipi he fakdeuh in i pehtlainak, Norway cozah he ipehtlainak le a dangdang kong an ceih kho hna. Meeting akaikhomi hna zong nih, tutan CCN meeting cu kan lung a hmui tuk, hmailei Norway um kan Chin miphun hna nih kan herh hlaimi vawlei lei cawlcanghnak kong ah bawmkhotu buu nganpi pakhat a si te lai ti hi ruahchannak nganpi an ngei cio. Meeting tuahnak khua a simi Moi khua Chin mi upa pawl hna zong nih lawnglawm tein cohlannak an ngei, thazang peknak zong an ngei chih. ”Hi meeting nih a langhter mi cu, Norway zong ah kan ram kan miphun vawlei lei kan i hruainak ah kan lung a tling i thazang a chuah duhmi kan tam ti nak a si” tiah Meeting a rak kai ve kho mi Upa Pu Lian Khia nih a chim.

Scroll to Top