Norway ram political party Frp (Progressive party) hi Norway ram party hna lak ah ramdangmi luh a duh lobikmi party an si. Dawrnak halmi hna (asylee) kong le chungkhar i auhnak kong zong ah upadi renghchih lengmang a duhmi an si.
Hi party nih an duhmi cu; cozah nih ramdang mi Norway lut ding hna sin ah chia/ngei seh tiah an duhmi cu, Norway holh test level 2 tal an awn hmasat lo ah cun kan ram ah umnak nawl pek hna ding asi loh ti bantuk tiang in bia a chim tawnmi an si. Abik in Islam biaknak angeimi hna hrim cu ram chung ah hnahnawhnak a kan pe bikmi an si, crime record asangbik angeimi hna hi an mah an si caah kan lak/onh hna ding asi lo tiah a chim zungzal mi an si.
Spydeberg Kommune hi kommune fate pakhat asi i, minung 5 100 hrawnglawng khuasaknak asi. Hi kommune i political party Frp nih refugee kan laak lai kan ti ah cun Burma in a rami refugee LAWNGLAWNG kan laak hna lai ! tiah an party biachimnak nawlngeitu Jarl Meland nih a chim.
Hi kong an tialnak link http://www.nrk.no/nyheter/distrikt/ostfold/1.7054520 ah tamdeuh rel khawh asi. Tukum march thla ah an tial cangmi asi nain, theihawkthlak a si tiah kan rak thanhthannak asi.