Burma Caah Lamzawhnak Kan Ngei Lai

0 Comments

A ra lai mi 19.11.2010 ni chun suimilam 11:30 ah khin Burma caah lamzawhnak ngeih ding le hmunkhat te ah cawl caang tti ding ah Rune Hersvik ( Amah hi Pi Suh Kyi nih nobel daihnak laksawng a rak hmuh khawhnak lai ah a rak ttang ngaingaimi a si, a tu i DVB thawngthanhnak a rak dirhtu zong a si, cun kha hlan ah Point of Peace ah leader a si ) nih a kan sawm. Hi a kan sawmnak cu zahan zaan ah khan lunglawm te le thanuam tein kan Chin Miphun zong kan i tel ve lai tiah thawng ka thanh cang.

A kan sawmtu Rune cu Point of Peace ah leader a rak si lio ah Pi Suh Kyi a luat khawhnak ding ah lam a rak kan zawh pi bal cang, cun NCCF Civui kan rak tuahnak siang.inn pi zong kha a mah nih a rak kan bawmhmi a si. Chim duhmi cu a tu bantuk in lamzawh ding ah a kan sawmtu hi kan Kawl ram minung cung ah dawtnak le zawnruahnak a ngei ngaingaimi a si ti kha a si.

Hi lamzawhnak nih aa tinhmi cu Pi Su Kyi a luat ca.ah lawmhnak langhter, a taang rihmi thongtla pawl zong an thlah hna lai naak le UN, International community le Pi Suh Kyi nih a duhmi le an i tinhmi thumkomh tonnak, Pinlung hnatlaknak nunter tthan ding kan duh ve ko ti kha Chin Miphun hna nih vawlei pumpi theih in chimrel le langhter kha timh a si. DVB , NRK le a dangdang media pawl zong nih thawng an thanh te lai.

Hi lamzawhnak ah Kongsgård Sianginn in rektor  le sianghngakchia ca.100, Domkirken in upa George Tumyr le International Amnesty hna nih an  kan telpi ve lai. Rogaland chung Kawl pawl dih lak zong an I tel lai I Kawl aiawh in mi pakhat nih biatawi a chim ve lai. Kanmah Chin miphun hna aiawh in pakhat nih biatawi kan chim ve te lai.

Rune nih  Chin miphun pawl nih nan thuam te kha rak I thuamh te u law a ttha tuk ko hnga a ti, kei zong ka lung a tling ngaingai ve.

Dawtmi ka phun hawile hna, a tu bantuk caan te hi a ttha bik in I hman thiam hna u si tiin kan sawm ko hna. Pi Suh Kyi hrimhrim nih kan Chin miphun hna kha DVB le media chung in kan thuam dawh he kan hmu in kan bia thei ve seh law ti duhnak ka ngei ko.

Hi lamzawhnak ah a damko I a manhkomi Rogaland chung kan Chin a simi pohpoh I tel khawh cio ding in toi dor naak le ruahchannak in kan sawm ko hna.

Lamzawhnak  program:

A ni:  19 November 2010 (Friday)

A hmun: Breiavatnet-Kongsgård Skole inntual (Sentrum tili kam sianginn-inntual , Dom Kirke pawng ), Stavanger.

A caan: Kl. 11.30-12.00

A rak i tel kho pohpoh Dom Kire hmai ah kan i tong te hna lai.

Kan Lai thuam rak i thuamh cio ding.

Categories: