Ålgård le Sandnes khua Chinmi hna sinah lenkainak

0 Comments

CCN vice president Pu Sang Cung le advisor Pu Biak Cung Nung hna cu Norway, Ålgård ah khuasami kan miphun hna sinah April 13, 2019 zanlei ah lenkainak an va ngei kho. CCN dirhmun le rianttuannak, hmailei ah ai timhmi kong chimrel biaruahnak an va ngei kho.

“Ålgård khua kan miphun hna sin kan va lenkai khawhmi cu kan lungtling ngai ko. Lunglawm tein an kan cohlangtu Chin Community in Gjesdal (CCG) upa le chungtel cungah kan i lawm, hmailei CCN he rianttuan ttinak kong zongah ruahchannak kan ngei ko” tiah a va kal khomi Vice President Pu Sang Cung Lian nih a chim.

Chin Community in Gjesdal (CCG) chungtel hna he biaruahnak (13 April 2019)
Photo: CCN

Mah ni 13 April tthiam ah, Sandnes um kan miphun hawi hna zong Ton Biaruahnak an ngeih lio asi ve. CCN President Peter Sang Lian Thang le Advisor Helge Kristoffersen hna zong an vai i tel kho. CCS hotu Pu Hmun Cung Nung le khuanu khuapa hna he tonnak le CCN rianttuannak kong chimrel biaruahnak an va ngei kho ve.

Chin Community in Sandes (CCS) chungtel hna he biaruahnak. (13 April 2019)
Photo: CCN

“Keimah hi ruahnak petu dirhmun in buu rianttuannak bawmh khawh kan zuam hna lawng siloin, pumpak zongin direct in a herhmi kan tuah piak khawhmi hna aum ahcun ka chonbia ko uh tiah chimh kan suh hna” tiah Helge nih ai tong khomi kan miphun hna sinah a chim.

Categories:

Leave a Reply

Your email address will not be published. Required fields are marked *