Giri Thlichia Atuarmi Hna Nih Bawmh an Herh !

Cyclone Giri nih kan miphun cheukhat fak piin a den hna i, minung  a thongsaang in harnak an tuar ti thawngpang cu vawleicung theih in thanh asi cang. Kan Chinmi zeimawzat zong nih pumpak in siseh, buu in siseh bawmhnak an pek hna i, vawleicung huap in hi bantuk harsa mi hna a bawmtu buu ngan hna zong nih zeimawzat bawmhnak an hun pek hna ti thawngpang theih asi.

Chin Community in Norway (CCN) zong nih kan miphun harnak a tuarmi hna bawm kho ve ding in saduhthahnak le biakhiah hnatlaknak a um caah, atanglei bantuk in Norway ummi Chinmi pakhat/chungkhar cio sin ah bawmhhal ding in timhtuahnak kan ngei.

Telephone in le minung pumpak in mi pakhat /chungkhar pakhat cio chawnhbiak nan si lai, “Giri Thlichia a ttuarmi kan unau le hna nih na bawmhnak an herh, nang/nannih zeizatdah nai tel khawh ve lai”  tiah nawl nan si lai. Cu telefon chawntu ding hna ah thimmi hna cu:

Peter Sang Lian Thang (Vest- le Aust Ager )

Pu Van Thang ( Rogaland)

Salai Cung Cem Bik (Midt -le Nord Norge)

Pu Za Kung (Telemark Area)

Mai Mary Hram Sui (Oslo Area)   hna an si.

Hi kan thimmi hna minung 5 nih  Christmas hlan Dcember 20 in Januar 9 tiang bawmhnak caah campaign an rak tuah te lai ti kha thawngthanh chih kan in duh fawn hna.

Phaisa thawh a donghnak deadline cu January 31 tiang onpiak ding zong in ceihkhan asi.

Phaisa a chuakmi le bawmhnak a chuahtu hna min cazin kha CCN nih ttha tein record ai chiah pin ah, kan website chung zong ah kan taar lai.

Harnak a tuarmi kan miphun hna caah kan ti khawh tawk cio in bawmhnak pe kho cio hna usih tiah nawlnak kan in tuah ko hna.

Giri Thliachia bawmhnak kawlnak ah ttuanvo ngeitu CCN-ec upa hna online meeting an tuahmi record atanglei ah download tuah khawh asi.

Download Online Meeting Record (18.12.2010 kl 21:00-22:00)

_____________________________________________________

[wppa type=”album” album=”4″ size=”500″][/wppa]

Scroll to Top