Kum 2009 ah khan, minung 10,863 nih Norway rammi sinak an hmuh, minung 3044 nih reject nak an tong. Tukum kum 2010 October tiangah minung 9000 nih rammi sinak positive an hmuh cang i, minung 1300 nih reject an tong cang tiah Norway immigration (UDI) website ah thawng an thanh.
Website ah ai tial chihmi cu, tukum rammisinak (statborgerskap) cu Iraq a rami hna nih an hmuh tambik ti asi, an za te a hmumi, 1215 an si. Cu khawh hnu in a rak changmi ram hna cu; Somalia, Afghanistan, Russland, Iran, Pakistan le Sri Lanka hna an si.
Norway rammi sinak ah a tlangpi in an ram chungah kum 7 um a herh, Norway holh nazi 300 ka cawngko ti langhternak catlap a herh, cun khawika ah ka chuak timi (birth certificate) zong a herh chih. Norway ah kum 18 na tlin hlan in na rat belte ah cun, ram chung na umnak kum 5 a tlin in sok khawh asi. Stateless silole ram a ngeilomi hna pawl caah cun ai dang deuh ve tthan I, kum 3 lawng asi. Norway ram minung ahmu cangmi silole an rammi asi mi hna he I thitum ah cun, kum 3 tlin in sok khawh asi ve hawi. Hi kong tamdeuh relduh ah cun HIKA ah rel khawh asi.
Kawlca in tialmi zong hika ah DOWNLOAD tuah rel khawh asi.
Online in sok khawh asi cang
UDI website ah Norway rammi sinak lawng siloin, rianttuan khawhnak nawl (work permit), ramchung lenkainak (VISA) tibantuk hna zong internet online in sok khawh asi cang. Kum 2011 February in cun, UDI ah sokmi zeipoh online in sok khawh asi cang lai tiah thawngthanh asi cang. Norway holh in online soknak a um rih lo caah English holh a thei lomi nih cun sok a har deuh rih. https://selfservice.udi.no/ ah hlathlai rel/sok khawh asi