Unity, Integration, Integrity, Self- reliance
Friday August 1st 2014

Frivillighet Norge Zungpi ah CCN le NCCF

Buu riantuannak kongah hlathlainak le biaruahnak ngei kho ding in, NCCF le CCN upa hna cu, Oslo khua Frivillig Norge zung ah lenkainak kan va ngei kho hna.

Lennak aruang biapibik cu, Norway ah buu thar kan dirh tik ah, Norway ram system tangah a cawlcang ding kan si caah, an system umtu ning he ai kalh lo ding le, ningcang tein rian kan tuanthiam ding a biapittuk caah buu thar pawl lam hmuhsaktu le riantuan ning a chim cawnpiaktu hna asimi frivillig Norge ah kan va panh hna kha asi. Kan va tonmi Communication officer asimi William nih tha tein meeting room pakhat ah an kan cohlan i, biaruahnak a kan ngeih.

Frivillig Norge hi cozah asilomi buu hna le buukawmh pawl kawmh in sermi buu pakhat asi. Norway ah  member buu  235 an i tel. Hi 235 nih a huapmi buu vialte hi buu 50,000 an si. Aminung in cun, million 1,5 hrawng kan si lai tiah bia kan ruahmi William nih a kan chimh.

Lenkainak ah ai telkhomi hna cu, NCCF aiawhin Pastor Ceu Mang, Pu Aung Lin le CCN in Pu Peter Sang Lian Thang le Pu Van Thang hna an si.