Norway um Chinmi hna vawlei lei le biaknak lei kan i hruainak buu CCN le NCCF kawmh in Victor Biak Lian laksawng lawmhpinak ah rawldumtinak cu Oslo tuluk restaurant pakhat ah thla 10.11.2010 zanlei 18:00 ah kan ngei kho hna.
Laksawng hmutu Pu Victor Biak Lian le laksawng peknak ah a rak telpi khomi hna a chungkhar hna cu; anupi le an fanu le pahnih, Hakha leiin ahringtu apa le Canada in anupi nulepa le anupi naunu tiin an si i nuam ngai in caan kan hmangti kho hna.
Kan program cu Pu Van Thang nih a tlaih i, CCN le NCCF lei in lunglawmhnak biachimnak, laksawng hmutu biarovuih chimnak,chungkhar lei lunglawmhnak chimnak le a kan telpi khomi hna upa hna nih lunglawmh biacahnak tiin kan ngei
khohna.Laksawng hmutu Pu Victor Biak Lian lunglawmhpinak ah CCN le NCCF nih lunglawmhnak roca ” Certificate of Appreciation ” pakhat zong lunglawm tein peknak le cohlannak kan tuah khawh.
Rawldumnak ah arak kan telpi kho mi hna cu; Chinland guardian thawngpang tialtu asimi Vaal Van Biak Thang, CCN chungtuan Pu Peter Sang Lian Thang, Pu Van Thang, Pu Bawk Thang, Mary Hram Sui, NCCF chungtuan Pu Aung Lin le Oslo area krihfa upa asimi hna Pu Thang Hlun, Pastor Khen Chum Bik, Baptist Union in integration pastor asimi Peter Ngaidam hna an si.