2017 Norway Lai Paih Champion Vaal Tha Hlei Cung he Biaruahnak

Tha Hlei Cung
Photo credit: Tha Hlei Cung

Na min le na kum, na nu le na pa min, Laitlang na khua le atu na umnak?

THC ; Ka min cu Tha Hlei Cung Thoihlei a si. Kum 22 ka si. Ka pate min cu Robert Lian Thiohlei a si i, ka nu min cu Men Thai Thiohlei a si. Laitlang kan khua cu Thantlang a si. A tu hi Bryne, Norway ah kan um lio a si.

Na tung san (Height) le na rihzaan (weight) von kan chim ta law?

THC ; Ka tung hi 5´7´´ (174 cm) a si i, ka rihzaan hi pound 180 (82kg) a si.

Na sianginn kai lio mi hi zei lei dah a si? Cun hmailei ah na chunmang ?

THC ; Pathian dawtnak in naite ah Truck Mechanics (Lastebil mekanik) in Certificate (fagbrev) ka ngah. Sianghleiruun peh khawhnak caah sianghlei niam (High School) peh ding in kumthumnak (påbygg) kaa timh lio pi a si.

Paih lei ah von kal usilaw, nikum CND 2017 ah khan Paih Champion na si. Pazat dah na rak tei hna? Cun na paih mi hna chung ah hodah naa harh bik?

THC ; Pathum ka rak tei hna. Ka paih mi hna chung ahcun Thangaa (Ngun Ling Thang) hi kaa harh bik rua tiah ka ruah.

Paih hi na cawng bal maw? Zeitik in dah paih bual na rak chuah hmasa bik?

THC ; Paih kaa thawk hi 2016 in khan a si ko. Kan rak cawng pah ko. Thangaa (Ngun Ling Thang) nih a kan chimh pah tawn.

Paih bual na chuah ah zeidah na hman bik cem? Khelcungchuan, Thasawhkanh, Vangkhen, Sumpom, Thachung hngerh tibantuk ….

THC ; Vangkheng le khelcungchuan hi ka thiam bik rua tiah ka ruah.

Kan Lai nunphung paih hi mi tampi nih cun hruh thil bak ah ruah a si, a uar lomi kan tampi tawn. Mah hihi nang zeitindah na hmuh ning a si?

Umm si hmuh ning a tampi ko lai. Pakhat le pakhat i khawn khawh zong a si tiah an ruah ca zongah a si lai. An theithiam lo caah a si tiah ka ruah ko. Ka ruah ning ahcun zaanglek (Sport) lei hi ka uar ruang ah kaa pai ve i a si ko. Lai nunphung ah a tha mi hi cu ttanh ding si ko.

Gym hi zarh khat ah voi zat dah na kal khawh? Eidin na hrial mi tete tah a um maw?

THC ; Gym hi caan hmaan tein ka kal kho lo. Ka duh tik poh ah ka kal tawn. Zarhkhat ah voi 3-4 tiang hi ka kal bik tawn. Mah ti pi in ka hrial hlei mi a um lo.

Nikum kha CND2017 ah CND 2016 Champion Ngun Ling Thang na rak tei. Cun Bawi Hrin he Final ah nan rak i pai i Champion na rak si. Tukum CND2018 tah paih naa tim ko lo maw?

THC ; Aw tukum CND 2018 zong dam ten ka um cun paih kaa tim ko.

Tha Hlei Cung 2
Photo Credit: Tha Hlei Cung

Champion na co lio le na sungh lio na lungthin cawlcangh ning kan chim ta law?

Rogaland lawng a si ca zong ah a si kho men. Hawikom lawng te kan si caah ka sungh zong ah faak tuk in ka ngaihchia lo i, teinak ka hmuh zong ah faak tuk in kaa lawm tuk lem lo.

Tukum CND 2018 hi taisawm an tuah hmasa bik kum a si. A nuam bak lai tiah mipi kan i ngaih cio. Champion ka si lai tiah timhtuahnak le i zumhnak zei tluk dah na ngeih?

THC ; Ummm a tha ngai taisawm nan tuah mi hi. Champion ka si khawhnak hnga timhtuahnak caah voidang nak in Training caah caan zong ka pe hlei lem lo. Asinain tha hrim te cun a ho hmanh nih an ka tei kho lai lo ti cu kaa zumh ko.

Hmailei ah Europe Chin Paih Champion ka si kho te lai tiah na ruat maw?

THC ; Europe huap in an tuah khawh ahcun ka si kho te ko lai tiah ka ruah ko.

Paih bual chuah tikah mi teinak ah hin zeidah a herh bik cem tiah na ruah?                      

THC ; Lungput (Mindset) hi a si bik ko rua tiah ka ruah.

Norway Laimi chung hin hmailei ah World Paih Champion (USA) tiang kan phan kho te lai tiah na ruat maw?

THC ; Norway ah paih kan tuah peng ve ko ahcun kan phan kho te ko lai tiah ka zumh.

Norway ah Paih kan tuah cia mi chungah na siarem lomi a um maw?

THC ; Si Paih hi phunkhat lawng si loin zuamcawh paih zong um ve sehlaw a tha. Cun kan i paih tik ah a kam in an kan ven mi khi ka siarem lo ngai. Zalong deuh in i pai kho usilaw ka duh.

Norway Lai paih hmailei ah a tthancho khawhnak hnga na lungthlitum?

THC ; Mi tam deuh kan i paih khawh lawng ah kan paih hi a thangcho lai tiah ka ruah. Keimah bantukin Sport lei an duh pah lo cun a ngah hlei fawn lai lo. An huam lo mi cu. Cun laksawng zong tam deuh in kan tuah piak hna sehlaw an i pai duh deuh kho men tiah ka ruah. Kan paih a thancho khawhnak ding cun Promotion tubantuk cawngia (Reklame) kan ti lai maw, mah cu bantuk nih hin a bawmh ngai lai tiah ka ruah fawn.

Kan Lai paih thiam lak ah na uar bikmi pahnih in kan chim ta law. A ruang?

Mang Cung Lian le Rung Lian Ceu hi an si ko . A ruang cu annih hi an thiam. An tthawng. Anmah nih an lak hna a tam deuh. Sungh lai an tih lo. Mi an tengh dan hna zong aa dawh. An paih mi hna khi an i harh tuk hna lo caah ka uar hna.

Bia ralkah pin nungak pawl nih a lawng ti rua lo ee an in ti?

THC ; Hehe kaa tim rih lo. Ka lawng ko 😀

Thazaang an petu sinah lunglawmhnak le biacah na duh mi ?

THC ; Thazaang a ka petu pawl cungah kaa lawm tuk ti lo chim awk dang ka ngei lo. Hmailei zong ah thazaang rak ka pe rih ko ti hi chim ka duh bik.

Lungsau tein biaruahnak caan na hon kan pek caah kan i lawm tuk. Good Luck !

THC ; Kaa lawm ve kei zong.

(Webmaster note: 2018 CND Committee 2018 (Rogaland) member pakhat asimi Vaal Mang Bawi Lian nih CCN website caah le a tuahmi interview asi)

Photo: norges-bank.no Tihni te kha, Norway Central Bank executive board tonnak
1. Bu (Org) pakhat sinah bawmhnak na duh zat peek khawh asi. Nain, cozah nih
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an

Leave a Reply

Your email address will not be published. Required fields are marked *