Chin Student Union in Norway (CSUN) nih a tuahmi siangngakchia tonnak ah “Zeiruang ahdah fimnak cawn hi a herh?” timi biatlang tar in CCN Secretary Peter Sang Lian Thang bia chim ding in an sawm.

Norway um siangngakchia tonnak hmun thum/li ah tuah ding in timhnak an ngei. Rogaland Fylke cu March 11. Egersund ah an tuah lai i cuka cun Peter nih fimnak cawn a biapitnak kong a chim lai. Rogaland lawng a si lo, Vest-Agder zong hi tonnak ah telh a si.

Peter Sang cu fimnak a duh i fimcawnnak tha a pe tuk mi a si pinah amah hrim zong Norway ah Bachelor le Master degree a lami a si. A bia an sunglawi.

CSUN tonnak ahhin ahopaoh itel khawh a si. April in sianginn sawk a zat hlan ah Taanghra, Videregående le Høyere-utdanning a kai dingmi hna caah Information i cheuhnak, ruahnak i cheuhnak caah hi tonnak cu SCUN nih a tuahmi a si. Siangngakchia a si lomi nu le pa zong nih fale caah biangaih le biahal duh ah itel khawh a si.

Chin Community in Norway nih Norway i sianginn a kai le fim a cawngmi kan fa, kan naule hi tha kan pek hna i kan dirkamh ko hna. Pathian nih lam hruai i thluachah pe ko hna seh.

Leave a Reply

Your email address will not be published. Required fields are marked *