2014-16 Avoi 2nk CCN-EC Meeting

2015 chung CCN a voi hnihnak EC meeting cu Telephone in kan tuah. Akai khomi upa minung 7 hna nih zinglei nazi 10:00 in 13:30 tiang lungtho ngaiin ruahnak chuahnak le ceihkhannak kan ngei hna. Ceihmi hna cu a tanglei bantukin a si.

1. Chin state kan tonmi kokek harnak kong
2. Celhzuamnak tuahnak kong
3.  2016 Chin National Day tuahnak kong hna an si.

CCN ruahning: Tulio kan tonmi kokek harnak kongah Norway huapin a kan tawlreltu Chin committee kan ngeih a herh ko tiah kan ruah i, ngei kho dingin tawlreltu ah President le Secretary hna cu ttuanvo kan peek hna. A karlak ah a kal cuahmahmi fund kawlnak kong zongah thazaang chuah deuh in, kau deuh in kan cawlcangh a herh tiah a ruah.

Cucaah CCN nih a si khawh chungin cozah siseh, cozah asi lomi buu hna sin ah siseh cattial, tonnak a tuah hna lai i, kan Chin ram ah bawmhnak a tam khawh chung a kal khawhnak le a kalmi bawmhnak ningcang tein a phanh khawhnak ding caah a tlang tlak lai, ai zuam lai ti kha, ceih le ruah asi.

Meeting ah ceihmi adangdang: CCN hi kan miphun karlak ah phaisa lei a thazaang a der caah le a rian ai hmaithlakmi kongah mipi tampi nih an i fian rih lo caah, chungttuan hna nih thazaang kan chuah deuh a hau i a herh ningin, kan cawl (active)  deuh a herh ko tiah zapi nih ruahnak kan ngei. Sport cawlcanghnak hi mino pawl tambik kan i tel nak asi caah mah zawn ah tamdeuh thazaang kan chuah a herh ti zong kan ruah fawn.

Chin National Day tuah CCN nih ai hmai thlakmi asi ve bantukin hmailei zong ah a tuah peng a tawlrel peng rih ding asi caah, timhtuah ciamman deuh in le ningcang deuh in kan cawlcangh thiam le thazaang kan chuah thiam zong a biapi ngai lai tiah ruahnak a ngei.

Scroll to Top