photo:cnn.com

ISIL – Iraq le Syria ah Islam Biaknak hruaimi uknak kan ser lai tiah a cawl cuahmahmi buu nih Iraq khuapi pakhat hnu pakhat an hun laak i, tuchun tiang ah a inn azaam taakmi ralzaam million pakhat an leng cang tiah UN nih ti. Ral ruangah Iraq cozah ralkap minung 11 an thi manh cang i, 20 leng hma an pu tiin theih asi fawn.

Ralzaam hna caah ti le rawl le umnak tawlrelnak caah UN nih USD million 105 a herh lai tiah a tuak i, ram kip nih zuam hnawh cio dingin a hun au. Norway zong nih USD million 10 tluk (Kroner million 60) ka bawmh lai tiah biachahnak a hun tuah colh ve.

Iraq ram chung daihnak tawlreltu le ruahnak petu dingah US nih ralkap ruahnakpetu 300 a hei thlah cang hna. Hi hna nih tulio Iraq cozah lei nawlngeitu hna sinah ruahnak a peek hna lawng siloin, buainak umtuning kha naih tein hlathlainak an tuah lai i, hmailei ah zeibantuk bawmhnak phun dah peek dingah ai rem bik, a tthatbik lai timi hlathlainak an tuah lai tiah theih asi.

Photo credit: Tha Hlei Cung Na min le na kum, na
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an
Norway ah Chinmi tampi umnak Rogaland ah Chinmi upa 31 tluk telin 'ton biaruahnak' cu
  Norway Chin Christian Youth Federation tawlrelnak in 2017 Summer chungah concerts hmun 4 ah

Leave a Reply

Your email address will not be published. Required fields are marked *