Norway Ah Ngaihthiamnak Kong Ka Chim Lai a Timi Desmond Tutu

Desmond Tutu Nobel Daihnak Laksawng an peek lio. Photo: nrk.no

Aluancia kum 30 (1984) ah Norway nih daihnak laksawng an rak peekmi Desmond Tutu cu Nobel daihnak senter le Vårtland nih an sawm caah September ah Norway rat dingin timhlamhnak a ngei tiah thawngpang theih asi. Arat tikah a chim lai tiah ruahmi cu, ‘daihnak kong’ asi ti asi.

Desmond Tutu hi thlanglei Africa ram ah  miphun chiattthatnak kongah rianttuantu le Anglican bishop pakhat lawng siloin Aperteid uknak daihnak in a rak dodaltu asi i, a cawlcanghnak upat ruangah Nobel daihnak laksawng tiang an peekmi le vawleicung nih an upat hmaizatmi mi pical pakhat asi, a  kum 82 asi cang.

Achimmi ah a min thang ngaimi bia pakhat cu; “Zeihmanh hi ngaihthiam khawh lomi an um lo, mizeihmang ngaihthiam awk a tlak lomi kan um lo”, tiah bia roling chimtu pakhat asi.  Naite Dalai Lama Norway a rat lio i, cozah minung pawl nih an ton duh lomi kongah, “Norway hi ka upat hmaizat ngai tawnmi ram a si nain a tu cu kha vialte kha a dih cang” a ti.

[adhere]

September a rat tikah Oslo Konserthus ah biachimnak a ngei lai, ttotti biaruah/haltu dingah Lainawng Breivik caah biachimpiaktu sihni pa Lippestad kha asi te lai.  Lippestad nih ngaihthiam timi biafang kong he pehtlaiin biatak tein biahalnak a tuah lai i, Norway Tutu bia theitu paoh nih i fiang cio dingin kan i zuam lai tiah i timhtuah asi. 

[Ref: nrk.no, aftenposten.no ]

Photo: norges-bank.no Tihni te kha, Norway Central Bank executive board tonnak
Photo credit: Tha Hlei Cung Na min le na kum, na
1. Bu (Org) pakhat sinah bawmhnak na duh zat peek khawh asi. Nain, cozah nih
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an