OECD: Buaktlakin Nu Rianttuanmi Norway ah an Tambik

photo:norway-oecd.org

Norway ah nu kum 15 in 64 kar 100 chungah 73,5%  nih rian an ttuan caah Chawlehnak le Tthanchonak Kongah i Hawikomhnak Buu (The Organisation for Economic Co-Operaton and Developement) chungtel ram hna lakah nu rianttuan a tambikmi ram an si tiah thawng an thanh. CECD cu vawleicung ram rumbik hna ram 34 in komhmi sermi i hawikomhnak le rianttuanttinak buu asi.

Kum 2012 lio hlathlainak ah khan cun, Inceland le Switzerland nih Norway cu an rak tei, a luancia kum hnih lioah cun Norway nih nu rianttuanmi cu 100 chungah 57,4% lawng arak si.

Norway pa rianttuanmi zohtikah 100 chungah  77,3% an phan nain, OEDC ram 34 hna lakah a pa 8 nak lawng asi. Ram 34 pa rian tlaimi zoh tikah buaktlakin 73, 1% asi.

Rianttuanmi zat a tam pawl ah Norway an um ko nain, an rianttuan caan belte ram dangdang nak in a tlawm deuh. Kum khat chung rianttuan caan nazi an zoh tikah OEDC ram hna nih buaktlak an ttuanmi cu nazi 1420 chung asi i, cucu Norway rianttuan caan naak in 25% in a tam deuh tiah report nih an ttial.

Khatlei ah Norway a damlonak a hma an hmuh len ve. Cu hna cu, Norway ah kumtling minung 400, 000 hna hi carel le kanan tuak ah a niambik level an si lawng siloin, videregående le university sianginn kai ai thawk nain a lim kho thailomi hi 100 chungah 30% an phan. OEDC ram hna lakah damlo ruangah rian ai dinmi an tambik ti asi.

Ref: http://www.norway-oecd.org/

Scroll to Top