1. Na fa kha mi upat thiam seh ti na duh ahcun nangmah nih na upat thiam ve a herh.
2. Nikhat chungah na fa kha a sual na phawtmi nakin a thang na tthatmi tamdeuh dingin i zuam. A chiatnak na hmuh piakmi naakin a tthatnak na hmuh piakmi tam deuh seh.
3. Thil dawhcahlo/ttha lo a tuah sual tikah, amah minung kha sual phawh loin, a tuahmi a tthatlonak kong tu kha fiang dingin chim khawh i zuam.
4. Na fa nih na chimh a ngaih lo tikah, aukhuang bu le hrang ngaiin chim cawnpiak hlah, neem tein le nulepa na sinak dirhmun in cawnpiak khawh i zuam.
5. Na fa a tuah khawhmi rian kha kawlpiak law tuah ve seh.
6. Na fa kha hawikom ah ser, amah kha nisawh loin nikhek tti ko, nikhat chungah a tlawmbik minung 15 lentecelh tti khawh i zuam.
7. Tuahding le tuahloding kha fiang tein theih ter, a zulh lo tikah zei a cang lai timi zong kha fiang tein thei seh.
8. Inn ah zulhphung ser hna, na ser tik belte ah na fa he biaruah, hnatlaknak la hmasa, amah fiang ding tiangin lungsau tein hrilhfiah khawh i zuam.
9. Na fa tuahmi kong ah i thlak ve, i tel ve, lam hmuhsak khawh i zuam.
10. Na fa nih na chimmi naakin na tuahmitu kha a zoh deuh caah na tuahmi kha i cawnawk tlak si dingin tuah khawh i zuam.