Unity, Integration, Integrity, Self- reliance
Friday December 14th 2018

Facebook ah rak kan Like ve uh!

NORSK-CHIN ORDBOK

CCN Cawlcanghnak Hmanthlak Pawl

0 votes
347 views
0 votes
326 views
0 votes
243 views
0 votes
179 views
0 votes
95 views
0 votes
92 views
0 votes
76 views
0 votes
70 views
0 votes
64 views
0 votes
58 views

Dalai Lama: Minung Mansung Kong Chim Dingin Ka Ra

Photo: www.vg.no

Vawleicung mi tampi caah thlarua lei hruaitupa [spiritual leader] tiah an hmuhmi le daihnak laksawng zong Norway nih an rak pekmi Dalai Lama cu biaelnak thlitu bangin a hrangmi lakah Norway ram cu nithumni ahkhan dam tein a phan cang.

Amah hi kum 78 asi cang i, Tibet minung hna nih nuhrin covo le zalonnak an hmuhnak ding caah daihnak lam hmangin ai zuammi asi. 1951 in an ram ah aum khawh lo ruangah India ah a zam i tuchun tiang tlung kho thai loin a um.

Tutan hi Norway lawng siloin EU ram tam nawn a hun tlawn pah lio asi. Latvia ram in ai hun i thawk i Norway a hun phanh asi.  Norway mipi le biapimi upa cheukhat nih an ton ko nain, Norway cozah nih cun an tong ngam lo, a ruang an fiantermi cu, tuluk he i hawikomhnak rawh ding asi kho ti lo an ti. Kan hnulei Liu Xiaobo Nobel laksawng an pek lio tein tuluk nih Norway cu a hrial lengmang hna, Norway nih hruaimi vawleicung huap cawlcanghnak tete zongah tel lo hna in a um thulh. Tuluk aitel lo ah le- rampical an si tikah- thil an tuah duhmi tlamtlin awk tluk in a tling tawn lo. Kha bantuk dirhmun hrim kha an celh ti lo khi asi ko lai.

Tuluk cu hihnu kum 10 hrawngah cun vawleicung phaisa ngeibik ram asi cang lai tiah tuak chung asi. Cucu ahopaoh nih an zumh dih. Atu hmanh ah tuluk an um lonak vawleicung aum ti lo, Africa ah an kutneh lawngte asi cang, EU le hmun dangdang ah phaisa chambaunak, zatlaknak a um len ko zongah an nih cu, kum khat ah 7%-10% an ram GDP a kai kho ko rih. Phaisa nih cun bia rih taktak in a chim hrim ko!

Dalai Lama nih cun, keimah ruangah mi lungretheih le thilrit asi ding hi ka duh hrim lo a ti, Norway ka rat hi ‘minung mansung (Human values)’ kong chim dingah a rami ka si, ram le miphun kong te hna chim dingah ka ra lo a ti. Nain hi pa kalnak poah ah mi tampi nih a phunphun in bia rak chim, i kawih cio asi, politics zong in an i laak, daihnak lei zongin an i laak i, ralbia phawrtu minung zongin a hmumi an um ve.

Norway mirumbik pakhat asimi Stein Erik Hagen hi tulio cozah tambik phaisa a bawmtu asi i, a chimmi cu, tuluk hi daihnak laksawng kan peek ding asi, aruangcu, tuluk tluk in sifak tthanchonak a tuahmi a dang an um lo a ti. 2006 Bangladesh in Grameen bank le Muhammad Yunus Nobel an pek lio hna ah khan, minung tamtuk sifak an cawi cer hna ti kha laksawng an hmuhnak  aruang an chimmi asi tikah, Tuluk zong hi pekawktlak taktak asi ko tiah a ruah ve ca zong ah asi kho ko.

Lama cu thaizing ninganni tiang khi Norway ah cam ai tim, University of Oslo ah thazing khi biachimnak a ngei lai, cun Norway storting member pawl, Buddist phungki pawl, Norway Lutheran le RC upa hna a ton rih hna lai, Samis pawl an parliament i president he zong ton ding an si tiah thawngpang nih an thanh. Sami president pa sawmnak in Norway ah ka ra tthan lai tiah a ti. Arat tthan tikah chaklei Norway ah asi cang lai i, Pu Lama cu tu ai hrukmi angki te in cun a fawi ti lai lo i, angki lumpi ai hruk a hau te hnga tia ruat pah in….

[NOTE: cafang palh tam lai… edit ka tuah tthan te lai, ka tuah tthan hlan ah a relmi nih ka thei thiam te uh tiah kan nawl cia hna]

 

Photo: norges-bank.no Tihni te kha, Norway Central Bank executive board tonnak
Photo credit: Tha Hlei Cung Na min le na kum, na
1. Bu (Org) pakhat sinah bawmhnak na duh zat peek khawh asi. Nain, cozah nih
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an