Norway nih 2010 ah Burma refugee Pawl Laak a Timh Than.

 

UDI

 

Norwegian Immigration riantuanmi sin in 2010 ah Norway nih Burma rammi refugee a laak than hna lai ti thawng theih asi. Afiang cang mi ah Thailand um Karen refugee pawl le Malaysia um Burma refugee (Chin tamdeuh) an si lai ti theih asi cang.

UDI nih ara ding thimmi hna interview tuah a awt cang i, an dih in, tulio ruahchannak ah April – june karlak ah IOM Oslo nih cultural orientation (CO) pek ding in timhtuahnak an ngei cang.

Norway ara dingmi a fiangbikmi hna cu; Norway ah chungkhat angeimi hna, pehtlainak fek/faak piin a ngeimi hna an si lai ti asi. Bianaah, nupi/vaa, fale, nulepa, ulenau tibantuk pawl kha an fiangbik i, adang group pawl biapideuh ah ruahpiak ding hna cu; nu le hngakchia, midam lomi hna an si lai ti asi.

Norway IOM zong nih a riantuantu hna sin ah thawngthanhnak a tuahmi cu, 2010 chung CO course pe ding in Norway UDI le IMDI hna sin in project a tla cang i IOM kha contract kum khat chung peek a si cang ti asi caah, tukum chung CO petu ding ah IOM an si than lai ti a fiang cang.

Tulio Norway cozah kai lio nih biakhiahnak an tuahmi ah, kumkhat ah quota refugee 1200 laak ding ti a rak si. Cucaah tulio cozah an tuanchung ah cun 1200 hi laak ding asi rih ko lai ti zumhnak aum.

Scroll to Top