Norway ah motor a ngeimi poh nih kumkhat ah voikhat ‘lamman’ peek ding phaisa aum. 2013 ah zaran mawnghmi motor ‘personbil’ caah peekmi 2940 kr le motor zetzung nih ‘particalfilter’ tha tein bunh lomi mah tein i bunh chawmmi diesel motor pawl tu cu kumkhat ah 3,425 kr peek a hau. Motorsaikel caah 1800 kr peek asi.
2013 caah peek ding zat cu post in motor ngei poh sinah kuat dih asi cang, nain tutiang ah a pe rih lomi minung 328 000 an si tiah Tollvesent nih thawng an thanh. Hi vialte nih an peek ding phaisa zat an tuak tikah, million 795 Kr asi tiah an ti.
Phaisa peek awk a um ko nain peek tlai tikah, Norway ah cun Purring Gebyr tiah an auh i, leiba cham tlai man hal chih tawn asi. Tutan voikhatnak a tlaimi pawl kha 250 kr chapchih asi, tutan na tlai rih ahcun, leiba hranhram halnak zung nih tawlrel khawh asi lai, cutikah leiba kha ‘tampi’ ai chap kho cang.
_______________________
Kilde: http://www.tv2.no/underholdning/broom/328000-norske-bilister-har-ikke-betalt-4033182.html