2012 Norway Lutmi Ramdangmi Hna

Kum 2012 Norway a lutmi hna mizeidah an si? Zeiruang bik ahdah an rat i, zeizat nih dah umnak an hmuh i, zeizat dah an khirh hna tibantuk kumtin an chuah tawnmi report cu UDI nih an chuah cang.

Forsiden_årsrapport_2012

Theih awk ttha tete tlawmpal in kan hun langhter lai:

Cacawn ah a rami: 2012 chungah Norway ah cacawn/sianginn kai a sokmi hna lakah ratnak nawl ahmumi  minung 7800 naak tam an si. Hi zat lakah 4200 hrawng hi Europe Chawnlehnak Area (EEA) ram hna in a rami an si. Tambik a rami ram hna cu; Germany, France le Spain an si. Myanmar in minung 1 lawng a ra !!

Rianttuan ah a rami: 2012 ah minung 39 800 (EEA) in rian ttuan ah register an i tuah i, ramdang dang in rianttuan dingin register ai tuahmi 9600 an si. Tambik hi, Poland, Litauen le Romania an si. Myanmar in minung 4.

Chungkhar um ruangah a rami: EEA in minung 11 900 le ram dangdang in 12 500 nih Norway um cia chungkhar le he um dingin a rak lutmi an si. Tambik ara mi ram hna cu; Thailand, Somalia le Philippine an si.

Himlo ruangah dawrnak peekmi hna: Asokmi 9800 lakah dawrnak (asylum) a hmumi 5200 an si. Tambik a rami ram hna cu; Somalia, Eriterea, Afganistan an si – Myanmar (10)

Ralzaam laakmi: 2012 chungah ralzaam 1100 Norway nih a laak hna. Tambik laakmi hna cu, Kawlram (Myanmar) 171, Eritrea (262), Afghanistan (203), Bhutan (169), Somalia (165).

Norway ah mi tlawngkai: VISA sok in a rak lutmi milu zat cu, 142 800 an si. Tambik a rami ram hna cu, Russia (52000 ), China (30 000), Philippine  ( 10000). Myanmar in 29.

Norway rammi sinak a hmumi: Minung 12 100 nih rammi sinak (Citizens) an hmuh. Tambik a hmumi ram hna cu, Iraq (1700), Somalia (1600), Afganistan (1000)- Myanmar in (324)

________________

Source: http://www.udi.no/Global/UPLOAD/Publikasjoner/Aarsrapport/2012/UDI_aarsrapport_2012_oppslag.pdf?epslanguage=en

Scroll to Top