Norway Politik Minthang Inge Lønning Athi

Inge Lønning

Norway politik lei minthang ngai pakhat asimi, Inge Lønning (Høyre Partiet), a kum 75, cu March 24 (sunday) ah khan, a chungkhar le he ski cit leng an chuahnak ah a tlu in, khamh an timh len buah an khamh kho ti lo i  a nunnak a liam. Akum upa ngai cang nain a cawlcang kho tuk rih i, kan hnuzart te zong ah khan, TV biaelnak pakhat ah ai tel i bia a rak chim len.

Tulio Høyre hruaitu le Prime Minister candidate asii Arne Solberg nih, ” Ingen Lønning cu kanmah party a kal khawhnak le, kan ruahnak ai fun khawhnak caah a tungtlang in a kan dir piaktu khuatuak kho upa pakhat a rak si zungzal” tiah a chim tiah Norway news nih an ttial.

Amah hi Bergen khua in a rami asi i, 1997 in 2009 tiang Norway parliament ah MP a rak ttuan pengmi a rak si. 1998-2002 tiang hi amah party zongah a pahnihnak lutlai arak si fawn. 1994 lio i Norway nih EU ah kan lut ve lai maw timi ceih cawlcangh len lio zongah khan EU lutlei ttangmi hna cawlcanghnak ” Europabevegelsen zong a rak hruai. 1960 hrawng zongah Pastor hna a rak ttuanbalmi hmuhtonnak tampi a ngeimi mifim pakhat a rak si.

Norway nih aifi bantuk in an i zohthla vemi mifim an i ngeihmi lakah ‘Arfi’ pakhat a tla ti nak asi.

 

 

 

Photo: norges-bank.no Tihni te kha, Norway Central Bank executive board tonnak
Photo credit: Tha Hlei Cung Na min le na kum, na
1. Bu (Org) pakhat sinah bawmhnak na duh zat peek khawh asi. Nain, cozah nih
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an