Mirang nih Yacht tiah an auh, nain kanmah Laiholh in cun tilawng tiin a fawibiknak in leh ah cun a fiang bik ko hnga. Nain zapi citmi tilawng sawhsawh siloin mirum pipi nih an ngeih/cawk tawnmi mirum hna caah sermi special tilawng ti ko usih.
Vawleicung mirum pawl nih an ngeihchiah an i langhter nak ah biapi bikmi pakhat asi vemi cu hi bantuk ti lawng phun in asi ve tawn. Tutan Yacht ti cu voi dang he ai lo lo ngai, khualtlawngmi hna citmi tinbaw tia pi asi ve i, aman zong billion 3 (Millio 3000) asi tiah thawngpang nih an ttial.
Khuaruahhar in a man zong a tam i, zeibantuk minung nih dah a cawk te lai ti hi ruah ngam tuk hmanh asi lo. Saudi siangpahrang te chungkhar caah sakmi asi ko lai tiah an zumh, aruang cu amin ah AZZAM ti asi i, arab holh asi tiah an tial. Nain a ngeitu kong hi “thlithut” bia asi rih tiah an ti.
