CCN-EC Meeting Oslo Ah Tlamtling Tein Kan Tuah

Oslo1
Lunglut ngaiin ai tel khomi CCN upa hna

CCN [ 2012-14 ] EC meeting  a voi [2] nak cu, 06 April 2013 ah Oslo khua lipi Frivillignorge zung ah nazi 11:00- 18:00 tiang tlamtling tein kan tuah.

Meeting a kai khomi minung 14 kan si i,  Frivillignorge buu ai awh in ruahnak peetu (Rådgiver)
Ida Marie Holmin  zong a ra kho i an rianttuannak chimnak le Norway ram um buu hna nih zulh ding phung le lam, theihawk tlak tete le ruahnak ttha peeknak a kan tuah kho. NCCYF aiawh in minung pa 4 zong meeting ah an kan telpi kho i, CCN le NCCYF 2014 conference tuantti khawhnak kong fianternak le ceihkhan pinak kan ngei kho hna.

Meeting ah ceihmi le biaruahnak kan ngeihmi cungah, zapi lunghmuihnak kan ngei ngaingai. Rianttuan ding ceihchahmi tete hna lak ah biapi deuhdeuh a tanglei bantuk in kan rak langhter- detail tlamtling in cun, CCN nih zapi sinah meeting record langhternak a um te lai.

1) 2014 Chin National kong

2) Norway Chin Directory

3) Norway – Chin Dictionary

4) CCN & NCCYF Civui tuahttinak le Europe Chin Football Championship

5) Cross- cultural & Educational Seminar

Oslo
Frivillignorge an rianttuannak kong le CCN rianttuannak kongah ruahnak a kan chimcheutu – Ida Marie Holmin

Acunglei biapi hna kan ceih pinah, rian kan ttuannak ah chambau deuhmi tete zohtthannak le ceihkhannak zong kan ngei. Meeting kaimi hna zong nih, mah le hmuhmi cio ah, a herhmi, chambaunak, tuahawk -zuamawk a tthami tete i ruahnak zong kan ngei hna.

Caan tampi laak in meeting a rak kai khomi lamnai lamhla in kan u nau zapi cungah CCN min in lunglawmhnak chimcawklo kan ngei. Pathian nih hmailei kan rianttuannak ah thazaang chuahchin le ttan laa chinmi kan si khawhnak caah thlachuah kan pe cio hram seh.

 [2012-14] A voi  (2) nak CCN EC Meeting record [PDF]  

 

 


[wppa type=”slide” album=”7″ size=”500″][/wppa]

Scroll to Top