Unity, Integration, Integrity, Self- reliance
Friday June 23rd 2017

Midang Va Bawmh Cu Mahlemah i Bawmh a si

A hlan ah hin Scoland ram khuate pakhat ah Flemin an timi pa a rak um i amah cu sifak ngaiin lothlawh rianṭuan in a paw aa cawmmi le khua a sami a rak si. Nikhat cu a lo i rian a  ṭuan cuahmah lioah a lo pawng cerh lakin viu-kiao, au thawng kha a theih caah a rian ṭuannak thilri hna cu kaltaak in a lo pawng cerh umnak ah cun a va tli i a va zoh. Cutikah hngakchia pa te a thin tiang hrawng cerh chung i a rak pil thluahmah ko kha a hmuh i a va chanhchuah.

Flemin cu a thaizing zong lo rian cu a  ṭuan cuahmah ko i, lo rian a ṭuan cuahmah ko lioah cun a thlam hmai ah rangleng pakhat a rak dir le thilpuan ṭha ngaimi aa hrukmi minung pakhat rangleng cungin a rak ṭum kha a hmuh. Cun mipa nih cun “Nizan i na khamhmi hngakchiapa i a pa ka si, atu hi na dawtnak leiba cham dingah ka ra” tiah a ti. Amah ruahnak ah cun hi bia a theih in hin sifak pa hi aa lawm ngai lai tiah a ruah i thatho ngai khin a chimh. Flemin nih cun “Hibantuk thil ka tuahmi ruangah dawtnak leiba cham ka hau lo, a duh zong ka duh lo” tiah a leh. Bia an i ruah cuahmah lioah cun thlam chungin hngakchia pa pakhat a hung chuak i, mipa (Mirum pa) nih cun na fa maw a si? tiah a hal i Flemin nih cun aw, ka fa a si tiah a leh.

Cutikah mipa (Mirum pa) nih cun na fapa hi ka fapa he hmunkhat ah sianginn ka kaiter hna lai, kanmah ca zongah a ṭha lai i, nangmah ca zongah a ṭha fawnfawn
➤ (n) a color or pigment varying around a light grey-brown color
➤ (n) a young deer
➤ (v) show submission or fear
➤ (v) try to gain favor by cringing or flattering
➤ (v) have fawns
…by BeeDictionary.com
lai. Cun hmailei ah cun kan caah hmaihngal pi awktlak mi pakhat a si te lai tiah a fapa he sianginn kaiter dingah cun a nawl i sianginn cu a kaiter.

Cuticun sifak lothlo fapa te cu sianginn ṭhaṭha ah kai khawhnak caan ṭha cu a hung ngei i, sii lei in buaih a van la. A hnuah cun vawlei nih a theihmi Pennicilin sii a sertu Sir. Alexander Flemin ah a van i chuah.

Kum le caan hna cu an kal lengmang i kum tam ial a rauh hnuah khin cerh lak i a rak tlami hngakchia pa te cu a upat hnu tar lei sang kum (54) hrawng a hong si hnuah khin cuap (Cuap phin) zawtnak in a zaw. Mah a zawtnak cu sianginn an rak kai lio a hawipa sermi Pennicilin sii a dinnak in cun a dam. Cu lawng hmanh si loin Sir. Alexander Flemin cu vawlei nih a theihmi England ram Prime minister Winston Chachill a hun si ṭhan.

Cucaah cun a ngaingai le a taktak ti ahcun midang bawmh kan timi hi kanmah le kanmah kan i bawmh khi a rak si ko. (If you help other, you also help your self.) Kawl nih “Thu mya a kyu sawng, kuh a kyu aung” an ti. Midang na bawmh hna cu nangmah le nangmah naa bawmh a si ko.