Unity, Integration, Integrity, Self- reliance
Thursday January 24th 2019

Facebook ah rak kan Like ve uh!

NORSK-CHIN ORDBOK

CCN Cawlcanghnak Hmanthlak Pawl

0 votes
358 views
0 votes
334 views
0 votes
249 views
0 votes
182 views
0 votes
97 views
0 votes
94 views
0 votes
77 views
0 votes
73 views
0 votes
66 views
0 votes
62 views

Chim Thli Hran Thang Le Ai Thang Vel

Khua pakhat ah tlangval aa dawh ngaimi pakhat a rak um. An ram ah a mah cotawk ahohmanh an um lo, ti a si.Tlangvalpa cu sai a khal lengmang.Voi khat cu vanmi nungak nih tlangvalpa cu a duh tuk i van in a rak ttumhnawh. An khua phak lai ah tarnu a hmuh i,” ka pi, na cuntar chia rak ka hawh,” a ti. Tarnu vun cu aa hlan i Chim Thli Hran Thang te inn lei ah cun a va kal.Zanlei mui chupchap ah khin Chim Thli Hran Thang te inn ah a va phan.An ttumbut tang ah a va um.Zan tlai nawn hnu ah khin arfa ciak in a ciak.An pi nih,” Toaw pawl ,an ar a fim nan hrelhmi a um rua cuh! va zoh hnik ih ,” tiah a ti hna.Toaw pawl nih cun khuah khat ,hnua hnih, khuah thum, khuah li, khuah nga,khuah ruk,khua sarih,ka pi kan ar a tling ko,an hei ti. Vanmi nungak cu chiar thlanglei ah a hei kal tthan i” ciak ciak ciak” a ti tthan.”Toaw (sinum) pawl ,nan ar a ciak tthan cuh,va zoh hnik uh,” tiah an pi nih a hei ti tthan.Toaw pawl nih cun an hei rel tthan i ,” Ka pim a tling ko ,” an ti. An voi thumnak a von awn ttha i tlangvalpa nih cun a va zoh.An ttumbut tang ah vuntar chia kha a hei hmuh.”Ka nu ,vunterchia lawng ka hmuh,” a hei ti.” Vunterchia cu san a tlai hnga maw,hei hal hnik ,” a hei ti.

Tlangvalpa nih cun vunterchia cu, “Vok rawl petu ah na tthanhnem lai maw ,” tiah a hei ti,” Ka tthannem ko lai,” tiah a leh hna. “Ar rawl petu ah teh,” a von ti tthan i,” ka tthahnem ko lai,” tiin a leh hna.”Siakhal zultu ah teh,”a von ti tthan i,” ka tthanhnem ko lai,” tiin a let.Cu asile cengceh in khan von cep u law catchuah ah khan hei chia u,” tiah a fial hna.Cuticun vok rawl nan pekter chel,ar rawl nan pek ter chel.Vunterchai cu a rawl ah khan zutai fe an pek peng.

Voi khat cu tlangvalpa nih ka siakhalhnak ah ka zul a ti i a siakhalhnak ah cun a zulh.” Thlangvalpa ,sai na va zoh kar ah ka um a har tuk lai i pipen ka sih piak,” a ti. tlangvalpa nih cun pipen cu a sihpiak i, cuticun a mi chiar pepen u aa cit i hla aa sak lengmang.”Pipen ka awk le choi hniarmar,ka nu chuan rawl ka ngai e,” tiin hla cu aa sak pah lengmang. Voi khat cu tlangvalpa sai a va zoh loiah khan a vuntar cu aa phoih i  thinlthuam cu a tleu bak in a tleu.Pipen cu aa awk le choi hniarmar, kanu chuan rawl ka ngai e,” tiin hla cu aa sak pah lengmang .” Hika hin cun zutaifa lawng an ka pek ka umnak ah khan cun duh paoh ka ei kho,” tiah hla in a sak phak lengmang .Voi khat cu tlangvalpa sai a va zoh loiah khan a vuntar cu aa phoih i a thilthuam cu a tleu bak in a tleu. Pipen cu aa awt i a thinlthuam nih a pawngkam vialte a cerh dih. Zanlei tlun an i timh hrawngah khin tlangvalpa a ra cang lai a ti paoh ah khin a vuntar te cu aa aih tthan.

Tlangval cu a rak ra i,” Ahodah ka pipen na citter,” tiah a hla,” aho hmanh ka citter hna lo .Keimah lawng nih pei kaa cit ko cu,” tiah a leh.Cuticun anihchiar lamhla a kal paoh ah a angki cu aa phoih i cer depdup in pipen cu aa cit tawn.Tlangvalpa sia zohnak hmun tiang khin a thilthuan nih cun a cerh dih.Tlangvalpa cu a hung ttin i ,”A hodah na citter,” tiin a hal tikah,” keimah ka siko,” a ti lengmang fawn.

Voi khat cu tlangvalpa cu a lung a hring i a thlite in a bawh ziar. Vuntarchiate cu aa phoih i pipen cu a von i awk.Cule cangka tlangvalpa nih cun a zuanhnawh i a tlaih colh.” Hi tluk i aa dawhmi maw ka rak in theih lo, vunterte cu ann aih lengmang.” a ti i a reh chin.” Ka thlah, ka thlah,” a ti len nain a thlah duh lo.Cuticun nuam ngai in rmlak ah cun an um hnu ah chuncaw ei an i tim.Vuntarte nih cun a chuncaw cu a hei chuah i zutaife te cu ei aa tim. Tlangvalpa nih cun a chuncaw cu a hlonhpiak i, “Ka chuncaw hi ei,” a ti. Vuntarte nih cun a duh lo i a hlonhmi a mah chuncawte cu a va char tthan tthiamtthiam.Tlangvalpa nih cun a hlonhpiak tthan i a char tthan sual lai a ti i ,a zun a zunhnawh.

Cuticun tlangvalpa chuncaw cu an ei khat.Tlun an i thawh lai ah khin vuntarnu nih cun tlangvalpa kha a vuntarte cu a hal.Tlangvalpa nih cun a pe duh lo. A hla chih peng i a vuntarte cu aa aih tthan. A tlun pah ah tlangvalpa nih litin thiam cu sin ah a va kal i ,” Ka paw kaa fahter seh law a dam ko lai ,na rak ti hna lai,” tiah bia a tiam taak.Cuticun a paw cu a fahter i a nu le a pa cu an khuaruah a har tuk cang. Litin thiam nu sinah khan an sin um nu an va tlikter,Litin thiam nu nih cun ,” Vuntarte he va ih hna sehlaw a dam ko lai tiah va ti hna,” a ti.

An sin um nu nih cun cuntarte he ih tti cu a sianglo ia va hlen hna.”Cawtum va that ulaw a dam ko lai,a ti,” tiah a chim hna. Cawtum cu an thah i zeihmanh san a tlai hlei lo. A pawfah cu aa zualter chin lengmang i,” Ka thi ko cang lai va kal rih hnik u,” a ti hna. A nu le a pa an va kal ,”Kan fapa a thi deng cang zeitindah tuah usih law a tthat hnga ,”an ti.Litin thiamnu nih cun,” Ka ti ngin in nan tuah lo i a si kolai,”a ti hna.” Vuntarte he ih tti hna sehlaw a dam ko lai ka ti kha, nan ihter hna lo maw,” a ti hna.Vuntarte he ih tti cu an siang na loin a damnak a si poh ahcun an ti i ,a zan cu ttuanglai ah pher zual pakua an dan i an ihter hna.

Zanlai ah pher zual cu tlangval nih a hlonh dih i hmunkhatte ah an ih tti. A vuntar phaw cu aa phoih i a lu cungah a chiahta i, an inn cu a cerh dih . Zanlai ah an sin umpa aa tthang i kan inn mei a kaang rua a ti i a thin a phang tuk i tho.A  hei zoh i vuntarte a si kha a hmuh tikah a lau tuk,a ngin zong a zak tuk i an inn chak ah lo diam a zaam. A thaizing zing ka te ah a nu a von t tthang ve i kan inn a kang ko hi teh a von ti ve i an pa kha a tthangh. An tho i vuntarte a si kha an hmuh tikah an ngin a zak tuk i a pa nih a vuntarchai cu mei ah a phih ta i inn thlang hna inn ah an vaa thup.

Khua a hung dei ah cun a vuntarte kha a hmu ti lo.Inn chungah a hohmanh kha a hmu ti hna lo.Tlangvalpa kha a hei thawh i,” Ahohmang an umlo,khoika ah dah nan kal dih hnga,” a ti. Tlangvalpa nih cun a nu le a pa kha a hei auh hna i puai an tuah.

Cuticun an um i fapa pakhat a hrinpiak. A fapate cu a tthang a tthang i kum thum a si ah khin an nu nih ,” Atu cu ka nu le ka pa sinah ka kal cang lai. Ka rak um ka o nan ka tuahtoning kha ka u ke ka pa nih an ka hmuh i auh an ka timh cang,” a ti. “Na ka sian lo ahcun ka tai in rak ka kup law thlah loin na ka um ahcun an kaau kho lai lo,”a ti. “Thaizing ah van in thil a phunphun an rak tla lai i na mitsir hmanh in na zoh lai lo,na vaa cuh suak ahcun kei cu thlitu nih a ka chem lai i ka pa le ka nu sinah an ka chiah lai,” tiah a vapa cu a chimh. A thaizing cu a nupi cu a kuh tthup.Thli he a ra khatmi a phunphun kha an raktla. A mitsir hmanh in a zoh lo. A hnu bik ah chuncaw funnak bawmte khi a rak tla i ka fapa chuncaw funnak ah a ti i a hun zuanhawh. Cu lioah cun a nupi cu thli nih a kalpi zuahnah i a dawi len hmanh a nu nih cun a rak ven peng ko hna. Zei an tuah paoh ah a kil ven peng hna.

Voi khat cu a fapate kha a zawt a zuak tuk i a nu kha va auh an fial hna . A nu an va auh kar ah khan a fa cu a rak thi .An nu cu fu a von i khiah i a rak ra. An chawnh lengmang hmanh ah chawn duh hna lo.Fu cu a feh feh i a hang kha a ka ah a awm i a fapa te cu “phui” tiah a chak. A fapate cu a ha a von thiao i cu zongah cun a nu cu a holh duh rih lo. A von feh tthan i a von phut tthan.A fapate cu a ngun ttthan.Cu hnu lawng cun a nu cu a holh i an chungkhar nuamte in an um thai.an ti.Cu vial le engza le ari buh.
Hlan loiah uipi le uitum an rak um ti a si. Voi khat cu khual
Voi khat cu Pu Vom le Zawngte na rak umm .Pu vom nih tikhur a
Kuarbungbel Khua pakhat ah Kurbungbel an timi tlangval pakhat a rak um. A mui a
Vanlawng Ticket Cawknak Go To Gate | Super Saver | Restplass | Norwegian |SAS |Travel Link Thil cawknak website QXL [thiltthing a man