A cung hmanthlak
Norway ram ah minung a bubu in a thattu Breivik a sualnak bia an ceihpiak lioah bia ceihtu bawi (Sihni) minung panga lakah sihni bawipa pakhat cu a computer in Solitaire tiah an auhmi computer game in phe (Phe aa kah) a rak i kah huar ko tiah DM thawngthanhnak nih an langhter.
Breivik a sualnak kong he pehtlaiin Sweden pamohkhah (Professor) pakhat nih tehte a chim lioah biaceih bawi (Sihni) Annes Hannin Halsen cu tehte an chimmi bia ngai loin phe ai kah lio tu kan hmuh tiah an chim. A luancia kum ah khan Norway ram hmunhma pahnih ah Breivik (33) cu minung (77) a rak thah hna i, atu bantuk i a bia an ceih lioah phe aa kahmi sihni pa i a tuahsernak cu a thimi chungkhat sahlawh rualchan hna caah cun thinhan awk tlak ngaingai a rak si tiah an ti.
Asinain Oslo biaceihnak zung in chimnak nawlngei Mr. Alsen nih a bia an ceihmi kha ṭha tein a ngaih ko tiah a chim. Breivik cu Norway ram khualipi Oslo ah a ummi cozah zungpi pakhat cu bom a puah hnawh le minung (8) an thi i, Yutuya tikulh ah mino pawl nuamhnak a tuahmi hna cu meithal in a va kah hna ruangah kum (10) renglo deuh hrawnghraang mino minung (69) an rak thi.
Breivik nih a sualnak cu aa phuan (Aa uankhan)cang caah amah cu mihrut (A hrutmi) a si le si lo biachahnak tuah ding caah bia an ceih i, zarh(10) hrawng cu a rau kho men lai tiah an ti le atu hin cun zarh (8) leng hrawng a rau cang.
Dinnak kha a cat lomi tiva bantukin luanter camcin ko u (Amos 5:24).
Salai K. Biak Lian Thawng