2012 CCN (Chin Community in Norway) General Meeting pi cu, Norway ram a lai nawnah a ummi Hamar khua ah July 18-20, 2012 tiang tuah dingin timhtuahnak kan rak ngeih bantuk in thawngthanhnak le a herhmi cawlcanghnak kan ngeih cuahmah lio asi ko. Thawngthanhnak kan rak tuah cang bantuk in tuchunah kan Program fiangdeuh in kan rak in thanh tthan hna. Kan program cu a tanglei link ah PDF file in zohkhawh asi lai. Computer ah PDF download a tuahlomi nih cun nan rak rel khawh lai lo caah a thiammi nih mah le pawngkam cio ummi hna kan unau le hna kha rak bawm cio hna uh tiah kan nin nawl hna.
CCN GM Program (Pdf)
CCN -GM Meeting Minutes (Pdf)
PDF in a rel kholomi hna caah le table zoh ai ziaklomi hna caah program a dang tein a tanglei bantuk in kan rak fianter chih :
18 July, 2012
kl 11:00-12:00 ( CCN EC upa [athing] vialte meeting kan ngeih lai caah phanh dih asi lai]
kl 12:00-14:00 (Hi caan chungah khual phak dih asi lai )
kl 14:00- 18:00 ( Football puai 2 chuih a um lai. Norway in team 3- Hamar, Oslo area, Roagland le Denmark leiin an National team an rak ra kho te lai. Football team leader kan thimmi hna, Rogaland leiin Pu Hei Ling, Oslo leiin Vaal Ni Htun le Hamar in Pu Thang Tum hna nih zeibantuk team pawl an chuih lai timi thawngthanhnak an kan tuah te lai)
kl 18:00-19:00 ( Hi caan hi zanriah ei caan asi lai, rawlchuangtu ding hna cu inntek Hamar khua nupa hna an si lai)
kl 19:00- 23:00 [ Mipi he biaruahnak (panel discussion) le mino hawikomhnak a um lai- biaruah dingin kan thimmi hna zong thawng kan rak thanhtthan te lai. Tutiangah kan ruahmi cu, upa minung 5-7 he biaruahnak le mino 5-7 he biaruahnak tiah puai hnih ah then kho u sih ti kan duh. Biaruahnak a karlak tete ah mino hna nih anmah nih a ttha an timi cawlcanghnak tete in kan hruai hna seh ti kan duh]
19 July 2012
kl 06:00- 07:30 [Thaithawh ei caan asi lai. Aman fawi tein kan zuar te lai, Kr 20- 30 hrawng si te lai tiah kan ruah]
kl 07:30- 11:00 [Football zuamnak puai 2 a um rih lai]
kl 11:00- 12:00 [ Chuncaw ei caan asi lai. Rawl a kan chuang piaktu ding hna ah, Oslo khua nupa hna nih ttuanvo an kan laak piak te lai.]
kl 12:00- 17:00 [CCN general meeting le upathar i thimnak a um lai- GM a kai mi poh i tel khawh cio i zuam ding. Phunghram zohthannak le a dang dang mipi lei in chuahpimi biapimi ceihding umah cun kan ceih lai. Ruahnak tthattha chuahpi khawh cio i zuam hna usih. Kan buu hmaileiah a kai khawh nak caah mipi kan zapi te ruahnak, thazaang a biapi tuk hringhran ko]
kl 17:00-18:00 [Zanriah kan ei tthan hna lai- rawlchuang tu hna dingah Rogaland lei kan nupa hna nih a kan tawlrelpiak te lai]
kl 18:00-20:00 [ Football ‘FINAL’ asi lai- kan zapi tein kan zoh lai]
kl 20:00- 23:00 [ Concert le pahrang zuamnak/talent show a um lai- kan civuipi a dihnak asi caah kan zapiin nuam tein caan kan hmang tti te hna lai. Norway ah music leiin kan i rinh tukmi hna “The Rainbow Band” nih concert a kan tuahpiak lai. Concert kongah cun anmah band kha chawnh khawh le biahal khawh an si te lai. Talent show ah telduhmi tete kong te program tlaitu dingah nungak Van Bawi Sun Par (A Ruth , Mob:47665560) kan fial amah le a hawi le nih online facebook in thawngthanhnak le tawlrelnak an ngei lio asi caah mino pawl pakhat le pakhat rak i bawm cio uh tiah kan nin nawl hna ]
20 July, 2012
kl 06:30- 07:00 [ Thaithawh ei caan ah kan suai, a donghnak asi caah a tlai zong a tlai deuh te kho men. Thaithawh ei dih khawh in inn/hmunhma thianh ah kan zapi tein kan i tel cio te hna lai. Inn thianh dih in mikhual pawl tlun dih asi te lai i CCN program adih te lai]