Chin Ramkulh Vuanchichoh Falam le Hakha ah Fur Caan Thingkung Cinnak an Tuahnak Hmunah a Kai

Chief Minister U Hung Ngai (Source: Khonumthung

Cu hnuah Falam khua No. (2 ) High Shool sianginn thingkung cinnak hmun ah a kal ṭhan i, saya/sayama hna le sianghngakchia hna nih thingkung an cin lio kha a va zoh hna. Cu thingkung an cinnak ah cun Kharomi kung (420), Far kung (360), Nguhsat kung (300), Phaizawng (200) le Inhliam (Zitinwinn) kung (160) a dihlak kung (1140) an cin hna tiah kan theih.

Cubantukin cun Hakha khua zongah 2012 fur caan thingkung cinnak cu 30.6.2012 ni zingka sumilam 07:00 ah seh lei le kutzung lei thiam cawnnak sianginn (Hakha) pawng ah an tuah i, ramkulh vuancichoh le zung kip vuanṭhan pawl hna, minung i hawikomhnak lei rianṭuantu bu hna le mipi hna nih thingkung cin nakding i an tuahmi hmunhma hna ah Kharomi kung (1100), Singpanpia kung (50) le Phaizawng kung (50) a dihlak kung (1200) an cin hna.

Cu khawh in cun Chin ramkulh vuancichoh cu Timit ah Pu Kep Cin nih leikuang eka pakhat a tuahmi ah fur facang an phun lio le non (Meawza) an tawih lio kha a va zoh hna i, laksawng (Tangka) zong a chuah hna tiah thawng kan theih. (Ch: Kyaymon)

Scroll to Top