11.06.2012: Alqueda ralhrang he pehtlaihnak a ngei tiah ruahmi UNO riantuantu Dr. Htun Aung tiah kawhmi Norhouh le a fanu Daw Myah Nandar hna cu Sittwe le Maungdaw khua ah 11.06.2012 ni ah an tlaih hna. Dr. Htun Aung cu Rohinya pawl a forh tu hna a si tiah theih a si.
Maungdaw ah an thahmi Muslim minung (10) hna caah thlacamnak ngei dingin cozah sinah nawl ka lak cang a ti hna i, cu thlacaamnak ah cun mino tampi a forh hna ti a si. Dr. Htun Aung cu Bangladesh ram zam dingin timhtuahnak a ngeih lioah le a fanu cu Yangon in Pakistan lei zam aa timh lioah an tlaih hna hi a si. Dr. Htun Aung fanu Daw Myah Nandar sinah Alqueda he aa pehtlaimi catlap pawl an tlaih chih tiah theih a si. Dr. Htun Aung cuBangladesh ram Rohinya ralhrang pawl an umnak hmun (sakhan) pakhat ah atu le atu in a kal lengmang ti a si. A fanu zong Maungdaw um UNO riantuantu bawi pakhat a si tiah theih a si.