December 29 ah an chuahmi UDI website nih 2012 chungah Norway nih laak ding refugee hna kong thawngthanhnak a tuah. Norway nih kum tin te UNHCR nih tawlrelmi ralzaam 1200 hi a laak tawn hna. 2011 belte ah middle east ram hna i mipi au-buai-cozah-dohnak ruangah ralzaam ruahlo piin an hun i chap ruangah minung 250 a hlei in an laak hna i a zapi tein minung 1450 lak a rak si. (Note: hi chungah minung 80 ca hi rianttuan tawlrelnak caah phaisa in an ser caah an laak taktak mi hna cu, 1370 lawng an si)

Burma ram in a zaam i Malaysia ah khua asa chungmi minung 150 zong ka laak tthan hna lai a ti. Kan caah tThawngpang ttha ngai asi.

Norway nih refugee a lakmi hna lakah kum saubik a peh in a laakmi miphun hi kanmah Burma mi kan si. Cu hmanh ah cun, Burma refugee tiah a min cun an ti ko nain, laak taktak mi hna hi Chinmi le Karen lawngte kan si hna. Karen an lak duh hnaah cun, Thailand ah an va kal hnawh tawn hna, kannih Chinmi laak ding asi ah cun, Malaysia hi an kal hnawh bikmi ram cu asi. India zong voikhat te cu an rak kal hnawh ve bal hna.

Norway nih ralzaam a laak tik hna ah biapi ngai in a ruahchih zungzal mi cu, nu le hngakchia hna hi an si. Tukum zongah nu cu laakmi chung in 60% an si lai ti asi. Afganistan ram ralzaam hna lebang cu nu lawngte lak ding timh asi.

Tukum 2012 ah an lak ding hna min cazin cu atanglei bantuk in asi:

  • Iran ummi Afganistan nu pawl: 200 plasser
  • Malaysia ummi Burma rammi pawl: 150 plasser
  • Sudan ram a ummi Eriteria pawl : 200 plasser
  • Turkey a ummi Iran pawl: 150 plasser
  • Kenya ram ah a ummi Somalia pawl: 150 plasser
  • Ramdangdang ralzaam: 175
  • Laakhruak in bawmh herhmi ralzaam : 75 plasser
  • Damlomi ralzaam: 20 plasser

Tamdeuh rel duhmi hna caah link kan taar chih:

http://www.udi.no/Nyheter/2011/1-200-overforingsflyktninger-i-2012/