Oslo le a Pawng Tikulh Ah Bom a Puak, Meithal An i Kap

Nihin zanlei nazi 15: 30 hrawng ah, Oslo khua chung cozah zungpi, ramchung tadinca nganbik VG zung le zung biapi dangdang ai funnak , ramchung hmunhma biapibik pakhat ah motor pakhat chungah an chiah/tart tiah ruahmi bom pakhat a puak i minung pa 7 an thi i pa 10 leng hma an pu tiah thawng theih asi. Hi Oslo bom a puah hnu nazi pahnih hrawng ah thawngpang chia dang pakhat a chuak tthanmi cu, Oslo khua leng Utøya timi tikulh ah Camping akai liomi mino 700 umnak ah misual (palik thuam he – Oslo bompuahtu asi ko lai tiah micheu nih cun an zumh) nih meithal in an kah ciamman hna i tutiang ah minung 10 ruak an hmuh cang, a tlaumi le hma fak piin a pumi zong an um len caah a thimi an karh kho men ti zong zumh asi.

Hi thil pahnih a cangmi hi pakhat pakhat pehtlainak a um ko lai ti hi tutiang ah zumhmi asi.  Cheukhat nih cun ai pehtlai lawng hmanh si loin, Oslo bom a puahtu le tikulh i mino pumhnak ah meithal a va kaptu hna kha ai khatmi minung an si ko lai tiah an zumh. Tikulh mino pawl meithal in a kaptu hna hi palik thiam in ai thuam tiah an chim, minung pakhat cu palik in an tlaih, nain midang dang zong an i tel ko lai ti hi zumh ciomi asi. Zeibantuk buu le mizei taktak nih zeiruangah tubantuk in an kan tuah timi kong ah zeibantuk in biafiang an chim ngam rih lo.

Thilcangmi zoh tikah  caan sau nawn timhtuah hnu ah an tuahmi thil asi ti hi a fiang ngaingai. Hi tluk bom a nganmi , Norway ram lakah uknak power ai funnak hmunhma pakhat ah, security tampi karlakah rem tein an puah khawhmi le, mah ni le caan theng teah, Oslo he ai hlat lonak mino tampi pumhnak tikulh, Norway ram hruaitu hna biachim le ruahnak cheuhah kal ding an i timhnak hmun hna ah tubantuk in an tuahmi zoh tik ah a fiang ngaingai.

Hi nih zeidah a chuahpi lai ? timi biahalnak ah cozah le upa cheukhat an halmi hna ah an lehmi cu: ” Hi thil cangmi ruangah Norway minung kan lung ai ruan deuhnak le kan democracy a thawn chinchin nak asi lai, kan lung a thawn chinnak kanmah le kanmah kan i dawt, hmunkhat kan ttan chin nak a si lai” ti hi an chimmi vialte fun tik ah hmuh khawh asi. Hi pinah a chuak ko ding a fiang ko mi cu, tu thil a tuahtu hna hi Norway um ramdangmi an si ah cun ramdangmi cungah an kan hmuhning le tawngthamning ai thleng kho ngai ngai mi asi. Refugee le asylum politics kongah thil tampi ai thleng kho, zulhding phung tampi ai reng kho ti hi ruah khawh asi.

Tamdeuh kan theih tikah pehtthan khawh kan i zuam tthan lai… Tutiang zong thil an hlat cuahmah thawng tthar a ra cuahmah rih caah biafiang chim awk a ttha lo mi tampi aum..

Cozah lei nih biacahmi cu, ” Phone kha a herh lomi ah hmang len hlah uh ” ti asi, a ruang cu minung tamtuk phone line hman ah cun, connection a tlak khawh caah a herh taktak mi harnak a tongmi hna caah phone chawnh an i har sual lai ti an phan caah asi. Cun ” Inn leng chuah len lo ding ” ti zong cah kan si. Thil dangdang zong a can khawh caah i ralring tein um cio ding in sawm chih nan si. ” Thawngpang hi he ai pehtlaimi, media sinin siloin adang pumpak hmuh tonmi theihmi ngeih ah cun palik sin ah thawngthanh hna ding” ti asi fawn. Kha bantuk in kan umnak cozah le mipi kan i bawmh cio zong asi ve.

Photo: norges-bank.no Tihni te kha, Norway Central Bank executive board tonnak
Photo credit: Tha Hlei Cung Na min le na kum, na
1. Bu (Org) pakhat sinah bawmhnak na duh zat peek khawh asi. Nain, cozah nih
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an

Comments Closed

3 thoughts on “Oslo le a Pawng Tikulh Ah Bom a Puak, Meithal An i Kap

  • July 23, 2011 at 12:02 am
    Permalink

    Tawngpang kan theih ah kan lung a ttha ve lo ning… Minung nih a ttha ttha in kan ruat lio ah Pathian thil a kan hmuh ter ning hi aa phun dang ngai. Kan lai mi zong vai ral rin deuh te uh law thawng pang dang a um ah cun rak kan thanh than te uh.

  • July 23, 2011 at 5:15 pm
    Permalink

    Narway thawng kan theih mi cung ah Kan long tha lo ngai ee,,,Pathian nih a tha bik in Lai rel te ko seh

  • July 26, 2011 at 1:01 am
    Permalink

    mah thong pang kan thei ah hin kan lung a tha lo ngai bawi pa a tha tuk lai mi a ho hman an i tel lo ti mi ka thei ah bawi pa tha tuk hring hran,a zaw mi le ngei chiat tuk mi hna caah thla cam bom hna u si.

Comments are closed.