Norway Chinmi vawlei lei rianttuannak buu Chin Community in Norway (CCN) cu June 23 ah Frivillighet Norge board meeting nih member ah kan pawm tiah thawngthanhnak an kan tuah cang. 2010 November 10 ah CCN le NCCF tiin Frivillighet Norge zungpi ah kan rak leeng hna i, an rianttuannak le membership umtuning kong hlathlainak kan rak tuah. CCN nih Norway chung kan cawlcanghnak ah anmah sin member luh a biapi ko tiah ruah asi caah EC biakhiahnak (28.08.2010, Egersund) in member sok ve ding in biakhiah a rak si. Membership halnak kan rak soknak a sau cang nain, catlap tlamtlin lo le a dang a chambaumi um ruangah tutiang a rauh hi asi.
Frivillig Norge cu Norway ah buu 200 nak tam nih member an luh nak, cozah le cozah a silomi buu hna karlak i theihthiamnak a karh chin i, buu fa tete hna nih cozah phung buar loin rianttuan an thiam naak ding caah a bawm tu buu asi. Member kan si thawng in CCN hmailei a kalnak ah bawmtu a si hrim ko lai ti hi zumhnak le ruahchannak a um. CCN cu August 18, Oslo ah Norway tulio cozah nih ramchung buu dangdang pawl biaruahnak zongah telve ding in sawm asi colh.
* Member Cohlannak Ca (PDF ) in hika ah relkhawh asi.
http://www.frivillighetnorge.no/?module=Articles;action=ArticleFolder.publicOpenFolder;ID=551