2009 ah Minung 4500 nih Norway Dawrnaknawl an Hmuh

0 Comments

2009 ah Norway ramchung dawrnak (Asylum) a halmi 10700 chung ah 4500 nih ramchung umnak nawl an hmuh. persent in cun 42 % a si tinak asi. Asullam cu mitam deuh 68% nih umnak nawl an sok ve ko nain an hmu lo.

Hi chung ah nu pawl persent in tamdeuh nih dawrnak an hmuh. 65% an si, pa pawl cu 100 chung ah 37% nih dawrnak nawl an hmuh. Dawrnak sokmi ram hna ah usa an peek bikmi ram hna ah, Iritrea le Somalia an si (Anmah statistic ning in). 100 chung ah 94% (Iritrea) le 91% (somalia) nih an hmuh.

Refugee phunhnih

Quota refugee le ramchung luh hnu ah dawrnak sok in refugee ahmumi tiah a tlangpi in then khawh asi. Acunglei minung 4500 hna hi ramchung phanh hnu ah refugee a sok i a hmumi an si. Quota refugee tu cu 2009 kha Norway parliament nih 1200 lak ding in biakhiahnak an rak tuah. Norway ah chungkhar a ngeimi Burma refugee 100 zong an rak telh ve hna.

Permanent oppholdstillatelse

Cuhlan ah Norway kum 3 um hnu ah rak sok khawhmi kha bosettingstillatelse ti a rak si. 2010 in permanent oppholdstillatelse tiah amin an thlen. Asullam cu amah ning asi (Ramchung ah zulzal um khawhnak ti khi asi)

Oppholdstillatelse

Hi biafang hi direk in leh ah cun umnak nawl ti a si nain, tu kum upadi an thlen hnu ah cun; zeibantuk permit pohpoh kha hi biafang nih a huap chih dih cang (Riantuankhawhnak nawl, sianginn kainak nawl, umnak nawl vialte). Cuhlan ah cun, oppholds- og arbeidstillatelse tiah biafang kawmh an rak hman.

Upadi an thlenmi pawl tamdeuh rel na duh ah cun atang link hi rak hmet:

2010 caah thlenmi upadi pawl

Categories: